المساعد الشخصي الرقمي

مشاهدة النسخة كاملة : روائع الشاعر ( عبدالكريم بن محمد القحطاني ) متجدد


عيوني حزينه
(س 02:18 PM) 13/03/2013,
نفحه شامية

قديمه جداً وهي من روائع
الشاعر / عبدالكريم بن محمد القحطاني


للهّ درّك يوم خليتني أبكي مرتين=الاوله دمعة لقا... والثانية دمعة فراق
وأنا على بالي كبرت وصرت واعي جملتين=أثر الهوى ماله كبير وهيلمانه مايطاق
أثري كبرت أحبّ،والحب الكبير بليلتين=أثري معه من يوم ماطبيت برّه في سباق
وأنا لو أعرف خاتمتها لأنتزعك من الوتين=بايدي ولا بايدي غرامٍ وردك مُرّ المذاق
حتى ولو ماضل به عقب انتزاعك خفقتين= ياقلبي االي ذوبوك وطيحوك من الشناق
أخيرلك تستر خفاك .. وكل أبوها دمعتين=( غاديك ) ... تلقى في المقابيل الفرح والاتفاق

عيوني حزينه
(س 02:25 PM) 13/03/2013,
إن صوتت فيروز

للشاعر / عبدالكريم بن محمد القحطاني




إن صوتت فيروز .. وإن مولت أووووف=يطيح قلبي ويتشتت كيانه
وأهوم كلي وانتشي ورد وحروف=واسِجّ مع جو الغرام وحنانه
يعني .. كذا لا أذكر ولا أسمع ولا أشوف=ولا يزلزل خافقي من مكانه
إلاّ مهارج نوف ومشاهدة نوف=الله يصبحها بلطفه وأمانه
نبنوبة ينسج عليها الندى صوف=و(عَمّان) يهديها شذى قحويانه
تقول: (عَبِدْ ) ... تزهر عيوني طيوف=قولي بعد.. يا مطرق الخيزرانه
ياني على اسمي من شفاياك ملهوف=( يقبر عظامي )... اللي ندهني لسانه